SDHK-nr: 614

Willelmus miseratione diuina Sabinensis Episcopus apostolice sedis legatus, Omnibus has litteras inspecturis Salutem in nomine ihesu christi. Cum questio uerteretur inter venerabilem patrem . . dei gratia lincopensem Episcopum ex parte una & habraam filium Bouonis laicum pro se & fratribus suis ex altera super quadam mansione que dicitur Longby(l), cum pertinencijs suis ambobus in nostra presentia constitutis que ab urtaque(2) parte fuere proposita audiuimus diligentur. Petebat namque dictus laicus pro se & dictis fratribus prefatam Mansionem cum pertinentijs suis ab episcopo predicto dicens eam ad se & dictos fratres suos pertinere de iure. Ex aduerso uero episcopus respondit dictam Mansionem per se & antecessores suos a quinquaginta annis & anplius pacifice & bona fide lincopensem ecclesiam possedisse, quia eam emerat bone memorie. Carolus predecessor suus a Monasterio de aluastro Lincopensis diocesis. quod per omnia dictus Habraam confitebatur & plane. Vnde nos omnibus auditis & sufficienti deliberatione prehabita absoluimus episcopum & ecclesiam Lincopensem super predictis omnibus ab impetitione dicti Habraae & fratrum eius presentibus testibus archiepiscopo Vpsalensi & suffraganeis eius & domino Bergero duce Suecie & alijs multis. Datum Skenning. VI. Non. Marcij. Pontificatus domini Jnnocentij. pape. IIII. Anno Quinto.