SDHK-nr: 2436

Omnibus presentes litteras jnspecturis Birgerus dei gracia sweorum gotorumque Rex salutem in domino sempiternam Ne veritatem obliuio &c. lika med föreg. N:o 1796 till manifesta. Jdeo facta presentis in puplica monimenta redigi fidelis antiquitas adinuenit Hinc est quod presentibus litteris in puplicam noticionem proferimus tam presencium quam eciam futurorum quod nos venerabili patri domino Jsraeli episcopo Arosiensi et ecclesie sue predium nostrum terram siue curiam dictam wlgariter øna in Dalom Arosiensis Dyocesis Quod quidem predium terram siue curiam a domino Thyrgillo knutsson bone memorie quondam marskalko nostro habuimus titulo empcionis pro septingentis marcis denariorum monete vsualis Cum omnibus eiusdem terre appendicijs et dependiciis vniuersis videlicet agris pratis colonijs piscariis molendinis molendinorum locis pascuis siluis saltibus venacionibus et cum ceteris aliis pertinenciis expressis et non expressis pro centum et octoginta marcis puri argenti ponderis regni nostri Quod argentum nos recognoscimus leuasse per presentes et jntegraliter habuisse pure et simpliciter vendidimus iure proprietatis et directi dominij perpetuis temporibus possidendum Transferentes in dominum episcopum et ecclesiam suam predictos necnon et successores ipsius proprietatem plenariam predij supradicti ac plenam potestatem et omne jus memoratam terram curiam siue predium cum ipsius attinenciis et dependenciis supradictis possidendi vendendi obligandi permutandi donandi seu quomodolibet aliter ordinandi de ipso pro sue libito voluntatis Adhibita super hoc sollempnitate legali secundum morem patrie in pretorio puplico siue placito et datis ibi testibus siue firmariis qui fastæ wlgariter appellantur Obligantes nos et heredes nostros ad cauendum nunc et in posterum domino episcopo et sue ecclesie ipsiusque successoribus de empcione dicte terre curie siue predij et ipsius attinenciarum et dependiciarum quarumcunque Nobis et nostris heredibus ac aliis quibuscunque omni facultate prorsus adempta sepedictum predium terram seu curiam cum suis attinenciis predictis impetendi repetendi seu alias quouis exquisito modo vlterius vendicandi Excepcioni eciam non habiti vel in parte vel totaliter dicti argenti vel non numerati seu non legittime ponderati et excepcioni doli ac omni legum et iuris auxilio canonici et ciuilis qui ad irritandum presentem contractum nobis possent aliqualiter suffragari renunciantes penitus et expresse Jn cuius facti nostri Testimonium et euidenciam pleniorem sigillum nostrum necnon et sigilla nobilium virorum dilectorum nobis dominorum kanuti jonsson dapiferi nostri fulchonis jonsson Haquini læma marskalchi nostri petri liquidson et johannis brunko armigeri nostri dilecti qui huic contractui nostro presentes affuerunt presentibus sunt appensa Datum sudhercopie Anno domini MCCC XI die beati bartolomei Apostoli.