SDHK-nr: 8215

Omnibus presens scriptum cernentibus Anundus Diækn salutem in domino sempiternam Vniuersis presentes inspecturis pateat euidenter / me / bono concordie persuadente / ac desiderio salutari expetenti viris relligiosis priori in Eskilstunum et eius fratribus ibi commorantibus predia quatuordecim solidorum (a-) minus dimidio solido (-a ) terre in Swinalundum sita parochia Jæther / ipsis per Byrgerum Job Ingegerdis consortis mee predilecte patrem(b) felicis recordacionis alias / impignerata / fauorabiliter dimisisse ob remedium animarum dicti Byrgeri Margarete coniugis eius / parentum eorum / ac cognatorum / in perpetuum possidenda / mihi et consorti mee predicte karissime / decem solidis terre in Thwærnø parochie Hargh Vpsalensis dyocesis sitis / et vno molendinorum torrente in Mylnoby Ostgocie sito / resignatis / que predictus Byrgerus . bone memorie prelibatis . priori et eius fratribus prius dimisisset in perpetuum possidenda / racione vere faternitatis(c) cum ipsis contrahende / Vnde saluti animarum eorum possetenus satisfacere cupio / transferens in supradictos priorem et eius fratres dominium et omne proprietatis ius predicta bona in Swinalundum cum omnibus eorum pertinenciis . scilicet . domibus agris . pratis . paschuis siluis piscariis arundinetis et molendinorum locis intra sepes et extra prope vel remote positis / nullis exceptis / qualitercumque nominatis possidendi vendendi regendi et quomodolibet eorum placuerit voluntati pro suis vsibus ordinandj / Jn quorum testimonium et maiorem certitudinem sigillis nobilium . scilicet . domini Lithinwardi militis / domini Thorstanj Simppu canonici ecclesie Strenginensis et Benedicti Karlsson vna cum proprio presentes peto communirj Scriptum in Eskilstuna anno domini . M°ccc°lx° secundo dominica prima aduentus dominj