SDHK-nr: 8845

Omnibus presens scriptum cernentibus Petrvs de thorpe parochianus et colonus ecclesie normaløsæ . Salutem ’ in domino sempiternam . Nouerint vniuersi quod ego deliberacione prehabita diligenti de rebus et ’ bonis quibuscumque que michi diuina cooperante gracia cum diligencia magna et sollicitis labori- ’bus(a) vsque ad etatem istam decrepitam in qua nunc constitutus sum quomodocumque obuenerant . deo ’ meo bonorum eorundem et omnium bonorum largitori oblacionem vtinam acceptam facere cupiens ’ taliter ordinandum esse decreui quod sanus mente et corpore do ecclesie lincopensi in bryniolffsthor- ’ pe parochie predicte normaløso vnum attongum quarta parte minus . et omnia bona mea mobilia ’ et se mouencia quecumque sint . cum integro statu suo secundum quod me moriente inuenta fuerint ’ ita quod illi quos archidyaconus et capitulum ecclesie lincopie ad hoc deputauerint manus suas statim ’ me mortuo applicare et interponere libere debebunt bonis eisdem et ipsa nomine ecclesie ’ eiusdem leuare et regere prouisuri quod pro sepultura et funeralibus meis . necessarie sicut decet ’ fiant expense hiis que superfuerint in vsus ecclesie predicte ad dei laudem et gloriam conuertendis ’ Jpsique archidiaconus et capitulum predicti animam meam in missis et aliis piis operibus recommendatam habere ’ debebunt . Jn cuius testimoiiium sigillum meum vna cum sigillis dominorum nicholai archidiaconi ’ et iohannis de kærnom prepositi presentibus est appensum . presente dilecto michi birghero de myruby ’ marito fratruelis mee que michi secundum leges succedere deberet si superstes existeret tempore mor’tis mee et consenciente . Et quia sigillum proprium non habebat idem birgherus . ad instancias ipsius ’ sigilla sua presentibus apposuerunt dominus nicholaus de Westerløso et iohannes kistæ qui eciam testis ’ interfuit donacioni mee predicte * Datum Anno domini M°cc°clxsexto feria sexta proxima ante palmas .