SDHK-nr: 8993

Vniuersis ad quos presentes littere peruenerint / Albertus dej gracia Sweorum gothorumque rex . Salutem in omnium saluatore . ’ Noueritis quod nos reuerendos et circumspectos viros . dominos Birgerum gregersson prepositum vpsalensem . et cancellarium ’ nostrum dilectum . nunc in archiepiscopum vpsalensem electum . Hartleuum archidyaconum . ceterosque canonicos vpsalenses . et generaliter ’ omnes et singulas personas ecclesiasticas . seu totum clerum dicte vpsalensis dyocesis . vna cum omnibus et singulis . ’ bonis mobilibus et immobilibus . tam fabrice ipsius ecclesie Cathedralis . quam eciam mense episcopalis . ceterarumque ecclesiarum ’ et personarum ecclesiasticarum predictarum . Necnon familias et personas commorantes in eisdem . sub nostras pacem ’ et proteccionem suscipimus tenorepresencium specialiter defendendos . Sub obtentu gracie nostre districcius inhibentes ’ Ne quis prefectorum nostrorum . eorundem officialium . seu quiuis alius cuiuscumque condicionis . eminencie aut ’ status existat / Memoratos dominos electum . archidyaconum . seu canonicos vpsalenses . clerum . personas . ’ ecclesiasticas . aut eorum aliquem . in bonis aut familiis premissis . contra has nostras litteras quomodolibet ’ impediat vel offendat / prout dej omnipotentis indignacionem . et nostram vindictam regiam duxerit ’ euitandam . Datum stocholmis . Anno dominj millesimo ccclxsexto . Dominica infra octauas beatj Martini episcopi ’ Nostro sub secreto .