SDHK-nr: 3602

Vniuersis preserites litteras inspecturis Strango jønesson monetarius lundensis salutem in domino sempiternam Nouerint vniuersi me in remedium animarum mee et cecilie vxoris mee dilecte. curiam meam lundis in parrochia beati botulphi lundis sitam quam habui de ingwaro ciue lundensi iusto empcionis titulo. honorabilibus viris dominis capitulo lundensi legasse. scotasse ac in manus tradidisse perpetuo possidendam Tali tamen condicione quod dictum capitulum et canonici qui pro tempore inibi fuerint. post dies vtrorumque nostrum. meos scilicet et vxoris mee predicte. anniuersaria nostra cum quatuor marchis denariorum nouorum scanensium de dicta curia. qualitercumque de ipsa ordinandum duxerint in choro lundensi annuatim teneant et perpetuo obseruent. Jta videlicet quod due marche denariorum inter canonicos qui vigiliis et misse in die anniuersarii mei interfuerint. distribuantur et equaliter diuidantur. relique vero due marche in die anniuersarii vxoris mee predicte distribuende similiter. erogentur. Jn cuius rei testimonium. sigillum meum vna cum sigillo et sub testimonio ciuitatis lundensis. presentibus litteris est appensum. Datum lundis anno domini M CCC XX nono in octaua beati mathie apostoli.