SDHK-nr: 6583

Carissimo in Christo filio Manno(1), regi Swecie et Norwegie illustri, (2-)salutem etc.(-2) Ex litteris magnitudinis tue felicis recordacionis Clementi pape vi(3), predecessori nostro, directis et venerabilis fratris nostri Wiromoldi, archiepiscopi Rigensis, grata nobis relacione comperimus, quantum tu sicut princeps pacis amicus pro concordia inter eundem archiepiscopum et dilectos filios magistrum et fratres hospitalis sancte Marie Theotonicorum inuicem reformanda efficaciter et solicite(4) laborasti, super quo serenitatem tuam dignis prosequimur actionibus graciarum et licet, fili carissime, laboribus tuis super hoc non successerit desideratus effectus, sperantes tamen, quod diuina gracia operacionibus tuis prestante virtutem in negocio huiusmodi concordie votiuum consequemur effectum, serenitatem eandem(5) attente rogamus, quatenus in negocio ipso sic(6) pro reuerencia Dei et nostre interuencionis obtentu inchoate prosecucionis instanciam et erga eundem archiepiscopum fauores solitos efficaciter continuare procures, quod dictis archiepiscopo ac magistro et fratribus per ministerium tuum ad concordiam reuocatis preter eterne retribucionis premia humane quoque laudis preconia merearis. Datum (2-)apud Villamnouam Auinionensis diocesis vn kalendas iulii anno primo(-2).