SDHK-nr: 6524

Nos Laurencius prepositus et offic . . . . capitul . . ecclesie Vpsalensis vos honorabiles viros dominos curatos et tutores ecclesiarum...........Haghund et Habohundare in Domino......salutamus. Considerantes quam onusta et dampnosa est ecclesiarum longa vacacio plena dispendiis et periculis, vt experiencia rerum magistra efficaciter edocet, indempnitati ecclesie nostre Vpsalensis volentes prouidere, quantum nobis ab alto fuerit concessum, honorabiles viros dominos magistrum Vlphonem et Ingeualdum, curatum in Vigbohæradh, ordinamus et constituimus nostros veros et legittimos procuratores et quemlibet eorum in solidum, ita quod non sit melior condicio occupantis, sed quod unus inceperit, alter prosequi teneat et finire, ad visitandum ecclesias ibidem et ad audiendum, tractandum et fine debito terminandum causas ecclesiasticas ciuiles et criminales ad nostram sortem pertinentes et ad audiendum........de prediis ecclesiarum nouis et antiquis et de omnibus bonis et rebus earum, in quibuscunque forma et.....fuerint constitute, necnon ad petendum mutuum ab ecclesiis et ecclesiasticis personis ex parte domini archiepiscopi Vpsalensis et recipiendum et ad obligandum bona ecclesie et mense archiepiscopalis ad certum terminum et ad alia, que requiruntur ad hoc faciendum. Idcirco vobis et vestrum cuilibet in virtute sancte obediencie precipiendo firmiter iniungimus, quatenus eis cum reuerencia et obediencia debitis velitis assurgere et de omnibus rebus et iuribus ecclesiasticis fideliter respondere, scituri nos ratum et gratum in perpetuum habituros quidquid per ipsos factum fuerit in premissis. In Christo valete. Scriptum Vpsalie sub sigillo capituli nostri anno Domini m°ccc° quinquagesimo tercio feria quarta proxima post primam dominicam xl(e) .