SDHK-nr: 4153

Omnibus presentes litteras inspecturis. vlpho abyornæson. miles salutem in domino sempiternam. Nouerint vniuersi tam posteri quam presentes me nobili viro et honesto anundo finwizsson predia mea in Hornby,, scilicet quatuordecim oras terre parrochia kolbæk dyocesis arosiensis cum omnibus suis adiacenciis domibus. agris. pratis. siluis. pascuis. piscariis. ac aliis pertinenciis prope vel remote jntra sepes et extra positis. expressis et non expressis., pro prediis suis in ødhetomptæ. parrochia tolgh, dyocesis wexsyonensis, valentibus, ducentas quinquaginta marchas denariorum monete nunc currentis et pro ducentis marchis denariorum empcionis simul et permutacionis titulo. legaliter dimisisse, Translato jn ipsum anundum et heredes suos pleno proprietatis jure ac possessionis dominio predicta predia, occupandi. vendendi commutandi ac pro libito suo quomodolibet aliter libere ordinandi. Abdicata michi meisque heredibus et successoribus quibuscumque. omni facultate, contra hoc factum meum quomodolibet veniendi. Jn cuius euidenciam, sigillo magnifici principis ac domini mei karissimi, domini Magni regis swechie et norvegie illustris. et sigillis dominorum nicolai abyornæson. Gyslonis ælinæson. magni bendicsson, militum domine byrgitte eiusdem magni vxoris, necnon laurencii karlsson laurencii gøzstaffsson ysraelis byrgisson. Johannis karlsson. fadheri byrgisson et gøzstaui arnwizsson armigerorum cum sigillo meo proprio, qui inquam milites et armigeri. pro predictis inuiolabiliter obseruandis. vna mecum bona fide. firmiter promiserunt. presentes postulo roborari,, Scriptum stokholmis. Anno domini Millesimo trecentesimo trecesimo quinto feria tercia proxima ante festum beati erici regis et martyris.