SDHK-nr: 6350

Omnibus presens scriptum cernentibus Birgerus Algutzson salutem in Domino sempiternam. Tenore presencium euidenter recognosco me inclito principi domino meo karissimo domino Magno, Dei gracia Suecie, Noruegie et Scanie [regi], pro vsibus curie Vadzstenæ bona infrascripta, videlicet duos attungos terre in Kætisstathum et vnum fundum in Jurskældu cum omnibus eorum pertinenciis et annexis, agris, pratis, pascuis, siluis, piscariis ac aliis quibuslibet, humidis et siccis, quocunque nomine censeantur, pro ducentis sexaginta marcis denariorum sueuorum vendicionis titulo legaliter dimisisse, translato in dictum dominum regem ac officialem curie Vadstenæ prefate, quicunque fuerit, plenum ius ac proprietatis dominium bona premissa exnunc intrandi, gubernandi, tenendi ac de ipsis ad vtilitates memorate curie, prout sibi videbitur, libere ordinandi sine omni mea vel heredum meorum impeticione ac alterius cuiuslibet, cuius interest seu quouis modo poterit interesse. In cuius vendicionis euidenciam sigillum meum vna cum sigillis Johannis Algutzson, fratris mei, Nicolai Niclisson et Algoti Birgersson presentibus est appensum. Datum apud ecclesiam Ødhishøgh anno Domini m°ccc°l secundo die beati Mathie apostoli.