SDHK-nr: 3531

Omnibus presens cernentibus vlpho et magnus gudhmarsuni salutem in domino sempiternam Constare volumus omnibus per presentes nos tamquam veros heredes ex parte nostrarum vxorum jure hereditario infrascripta bona post dominum birgerum pætersson bone memorie legiferum quondam vplandie recepisse, videlicet ego vlpho predictus in parte mea habui primo curias aalghø ekeby laza skiællanor et molendinum ibidem karlaby III oras terre et colonos eisdem curiis subiacentes, quarum curiarum et coloniarum summa continet VIII marchas terre, redditus autem earundem omni anno mediocri sunt VII leste annone et VII pund XI marche denariorum cum VIII solidis et quatuor denariis Jtem in nericia habui curiam edh et vnøø cum colonis vna cum hyttis in monte ferreo in silua swin sitis quas idem dominus b[irgerus] prius possidebat Jtem ego magnus gummarsson predictus habui ad partem meam curias videlicet innby (?). tæby. broby et sadheste cum colonis predictis curiis attinentibus, quarum omnium summa sunt octo marche terre II solidis minus, redditus autem earundem omni anno mediocri sunt sex leste annone et XVII marche denariorum Jtem in smalandum habui curiam sæby cum suis colonis, Ceterum autem procuratores israelis videlicet, dominus archiepiscopus dominus kanutus jonsson dapifer Johannes ingimarson et germundus hakonson, habuerunt curias finstadhir lidhø oskeste, waneste et sigualstadhe cum omnibus suis adiacenciis et in sætrum II oras terre et in nystæ II oras terre quarum curiarum et coloniarum predia sunt tanta XIIII marche terre cum duobus solidis redditus autem earundem omni Anno mediocri sunt XIII leste annone cum IX pund et XXV marche denariorum cum II oris Jtem in østgocia habuerunt curias norra biærgha cum suis colonis et in sudra biærghum vnum attungh, biærkærum, et kætastadhir cum colonis et omnibus suis adiacenciis Jtem in møre curiam hulzby cum omnibus suis attinenciis racione vnius marche terre de sigualstadhum sumpte et ecclesie vpsalensi testamentaliter legate et vas argenteum dictum sten pro XVI marchis puri ponderatum cum vno baltheo argenteo et vno annulo aureo predicti procuratores leuauerunt Jtem nos vlpho et magnus gummarsuni habuimus XVI marchas puri et II annulos aureos sorte nostra Jn huius igitur operis testimonium et euidenciam firmiorem sigilla nobilium virorum domini olaui archiepiscopi vpsalensis domini kanuti jonson dapiferi, domini benedicti boson domini laurencii vlfson, domini magni niclisson elaui aduocati stokholmis johannis ingimarsson et germundi hakonsson vna cum sigillis propriis presentibus sunt appensa, datum et actum vpsalie anno domini M° CCC° vicesimo Octauo in annunciacione beate virginis marie.