SDHK-nr: 1341

Omnibus christi fidelibus presentes litteras visuris vel audituris, Magnus Dei gracia sweorum gothorumque rex, Salutem in domino sempiternam, Quia summus rerum opifex deus. de rebus humanis sic prouidit vt in eis nichil esset, quod non varietati temporum seu transmutacioni subiaceret Profecto patet omnium mortalium facta temporis motum sequi & per consequens non participare naturam perpetuj, sed ex sui natura esse transitoria & caduca Ne ergo cum tempore elabantur, que aguntur in tempore, necesse est ut scripture aminiculo fulciantur, Hac igitur consideracione nos inducti volentes permutationem prediorum regalium et ecclesie vppsalensis factam per nos ex vna parte. & Reuerendum patrem dominum Magnum dei gracia Electum vppsalensem consecratum. ex altera, in noticiam tam posterorum quam presencium, devenire, presenti scripti tenore, significamus vniuersis, Quod nos predia corone regalis sita in wingru in villa Norby, viginti duas oras terre & dimidiam marcham in Hosæby in bro, cum aruis. pratis. agris, piscacionibus. siluis. venacionibus, ac omnibus & singulis eisdem prediis attinentibus, Jtem piscaturam sub ponte. Arusie que nunc vppsalia dicitur, & medietatem ampnis a piscatura predicta vsque ad finem brachii molendinaris, que tribus ibidem ljmitibus designatur, & continet in longitudine sexcentos & quinquaginta pedes, pro prediis dicti domini Electi, & ecclesie sue widelicet in Walmunzø, tredecim oris terre, cum dimidia & duobus denariis terre et dimidio, Jtem pro duodecim oris terre in echyby. cum agris. pratis. piscacionibus, siluis, ac singulis aliis eisdem prediis attinentibus. Jtem pro area tota cymiterio dumtaxat excepto in qua situm quandoque fuerat scenodochium Leprosorum stokholmis cum predicto domino, M, & ecclesia wpsalensis, permutamus jn ipsum & ecclesiam predictam jus proprietatis & possessionis dictarum possessionum. pleno jure. transferentes, Huic autem contractuj nostro interfuerunt, Reuerendj patres, domini Anundus strengenensis, petrus arusiensis dei gracia episcopi. Jtem domini Johannes archydyaconus, andreas prepositus, nicholaus decanus, Olauus & Karolus canonici vpsalenses, Jtem dominus Johannes prepositus strengenensis, Jtem domini magnus Jon son. knut mathies son, Anundus Harald son, wlph Hulmgers son, wernerus brunkogh, thuri kyætil son, hulmuidus arbiornar son Rød kyældor son, philippus finwidar son, Israhel legifer tiundie, Nicholaus ingimundar son, Benedictus bo son, Benedictus Peter son, jtem haquinus attundie & bero Sudermannie legiferi, & Ericus østens son, Quia vero non solum dicta sed etiam facta mortalium, obliuionis senciunt dispendium, ne nostre commutacionis tam solempniter celebrate, tam racionabiliter contracte & tam vtrique parti necessarie pereat testimonium nos presentem Litteram sigillo nostro vna cum sigillis dominorum episcoporum superius memoratorum, fecimus communiri, per ipsam. omnium predictam nostram permutacionem calumpniari volentium calumpniam perpetuis temporibus excludentes, Actum & Datum stokholmis anno domini M°,CC.LXXX sexto, vndecimo kal. junij, Anno Regni nostri Duodecimo, Jnterliniarem approbamus.