SDHK-nr: 9511

Omnibus presens scriptum cernentibus ‧ Haquinus Joansson et Margareta Joansdotter vxor eiusdem salutem in Domino sempiternam ‧ Bona presentis seculi, que dona Dei sunt, feliciore, quo poterunt, ordine regulantur ‧ si pro captandis lucris eternis ad donantis gloriam rediguntur ‧ Eapropter nos Haquinus et Margareta predicti innumera circa nos Dei beneficia profitentes deliberacione prehabita diligenti ‧ ad laudem et gloriam nominis ipsius de bonis nostris ‧ legamus claustro Wretum et donacione irreuocabili in idem transferimus racione testamenti et pro sepultura nostra et liberorum nostrorum / primo curiam nostram Fylingsedhe cum molendinis ibidem ‧ et quartam partem omnium prediorum in Frøgisthorpe et molendinum dictum Biernadalaquerna ‧ Jtem curias nostras Sundznes et Birkisnes ‧ et tres attongos terre quarterio vnius attongi minus in Thomasathorpe sitos ‧ Jtem vnam curiam in Meldhreem de domestica Jngride emptam ‧ et curiam nostram in Harghe de heredibus eiusdem Ingridis post mortem eius comparatam ‧ Hec prenotata predia in parrochia Kisa sunt situata ‧ Jtem omnia bona, que possidemus in ambabus villis dictis Rekkeskoghum ‧ parrochie Kietilstadha sita ‧ Jtem dimidietatem ville Hetaboodh et quatuor vlnas terre in Biersabodhum parrochie Tiærastadha. Jtem tres attongos terre in Hambre et vnam curiam in Huggandabodhum parrochie Wardhanes ‧ Hec itaque bona supradicta ‧ stipendijs propriis et laboribus empta et acquisita eidem claustro cum omnibus suis adiacencijs prope vel remote positis et breuiter cum integro suo statu, sicuti nunc sunt, conferimus irreuocabiliter possidenda ‧ jta tamen quod claustrum ipsum pro animabus nostris ‧ filiorum nostrorum et filiarum septem missas annis singulis feria tercia proxima post dominicam medie quadragesime perpetuo celebrari faciat et duas lagenas ceruisie cum tantis expensis, quante ad hoc requirantur et sufficiunt, pauperibus tunc temporis dare debebit. Quicum autem nostrum superstes extiterit altero decedente, bona eadem quo ad dies suos pro vsibus suis habebit predicta onera sustentando ‧ Cum autem ambo viam vniuerse carnis ingressi fuerimus ‧ Deo volente ‧ bona sepedicta ipsi claustro possessione perpetua decernimus relinquenda ‧ sic, quod ipsum missas et elemosinas easdem annuatim perpetuis temporibus pro animabus nostris, vt pretactum est, in^a ,  propriis sumptibus procurare ac debere fieri sit astrictum ‧ Jn testimonium omnium premissorum sigilla ‧ nobilis viri domini Benedicti Philippusson militis ‧ reuerendorumque dominorum Nicholai archidyaconi et capituli Lincopensis ac virorum discretorum ‧ Johannis Østensson ‧ et^b Tillagt över raden och här insignerat ms. Johannis Pæthersson ‧ armigerorum vna cum meo proprio presentibus sunt appensa ‧ Datum claustro Wretis anno Dominj Mºcccºlxºnono ‧ die beati Bartholomei apostoli^c Härefter avslutande tecken ms..