SDHK-nr: 2622

Valdemarus Dei gracia, Dux Sveorum. Omnibus, nostras litteras inspecturis salutem in Domino sempiternam. Conquestum est coram nobis super confinio terrarum inter Gestringias et Tiundas, dicto Landamerchie(1), quod Johannes Jngemarson sibi quandam partem applicaverat nomine En odel(2) cum tamen sit almenningen(3), ut probatum existit evidenter et expresse per discretos viros, quos ad istam causam diligenter examinandam nominauimus et invitari fecimus, videlicet Gislonem Elieson(4), Sturbiörnum(5) Torstenson, Finvidum Niclisson(6). Johannem Gasebek(7) [d.v.s.: Gasebog], Jngemarum de Eke, Petrum Sigfrideson(8), Johannem Snipo(9), Benedictum Sigverdeson(10), Johannem Jönsson, Gregorium Jönson(11), Mattheum et Olavum, qui omnes ac singuli ad hoc specialiter deputati........(12), bona fide et consciencia testati sunt, quod confinium terrarum predictarum ab antiquo fuerat de körlrigskiär(13), in Gyllabæck(14), dehinc in Gyllinarör(15), abinde in Stianäsrör(16) ], postea Hallsbæeks rör(17), inde in Silkisholmen(18), hinc in Långenys udd(19) et ultimo in almanningx gata(20), ac deinceps, cuiusmodi terrarum confinium(21) tenore presencium ratificamus, approbamus et communimus perpetuis temporibus duraturum. Datum Stockholm [Anno domini] M CCC XIIII *) secunda feria proxima ante decollacionis beati Johannis Baptiste.