SDHK-nr: 160
Datering
0988 juni*Innehåll
Påven Johannes XV stadfäster åt ärkebiskop Liäwizo och dennes efterträdare deras värdighet och deras områdes gränser i enlighet med Gregorius (IV:s), Ludvig den frommes och Ludvig den tyskes beslut rörande dessa, samt beviljar rätt att inviga biskopar.
Språk
latin
Brevtext
johannes Episcopus, Servus Servorum Dei, reverentissimo Livezoni sanctae Hammaburgensis Ecclesiae Archiepiscopo & confratri nostro, & post te in eadem Ecclesia in perpetuum. Cum piae desiderium voluntatis, & laudanda devotionis intentio apostolicis sit semper studiis adjuvanda, cura est sollicitudinis adhibenda, & ea quae legaliter geruntur, & aequitatis formae conveniunt, nulla valeant refragatione perturbari, sed infragabili jure Deo autore debeant permanere, & ob hoc apostolicis promulgatis sanctionibus propria unicuique quae rationi suppetunt possidenda, fas exigat confirmare. Et ((quoniam)) postulasti, ut privilegium tuae faceremus Ecclesiae, & apostolica tuitione roboraremus, eandem in pristinum manere statum concedimus & apostolico jure firmamus, tibi tuaeque Ecclesiae sanctae Haminaburgensi, successoribus tuis illam dignitatem & fines proprias cum praediis omnibus & parochiis & omnibus rebus mobilibus vel immobilibus, cum mancipiis utriusque sexus, possidere & tenere, quam piae memoriae Gregorius antecessor noster Anschario antecessori tuo, quem Archiepiscopum in tua ordinavit Ecclesia concessit, stabilito scilicet jure, & cunctis finibus quas Lodewicus piae memoriae Imperator & Ludewicus ejus filius tuam voluerunt habere Ecclesiam, & imperiali diffinierunt potestate. Decernimus autem ut potestatem habeas ordinandi Episcopos infra tuam parochiam & diocesin, ita tamen ut sub tua ((tuaeque)) Ecclesiae salva dignitate ipsius maneant potestate. Si quis autem contra hujus nostrae auctoritatis privilegium ire temptaverit, & quoquomodo in parte, vel in toto frangere ((nisus)) fuerit, excommunicatus a corpore & vivifico sanguine Domini nostri Jesu Christi & sanctae Dei Ecclesiae aditu & conventione separatus. Observator autem hujus nostrae ammonitionis & jussionis habeat benedictionem Omnipotentis Dei, beatorumque Apostolorum & nostram, qui eorum fungimur vicariatione. Scriptum per manum Johannis Cancellarii Sanctae Romanae Ecclesiae, in Mense Junio, Indictione nona.
Tryckt
- DS 18 se pdf av tryck
ST I:1 nr 18
N. Staphorst, Historia Ecclesiae Hamburgensis Diplomatica (Hamburg 1723), p. 319
Tryckt regest
- W. Seegrün, Das Erzbistum Hamburg in seinen älteren Papsturkunden (1976), s. 10-11
Litteratur och kommentar
1 Se Seegrün, op. cit., s. 105-6.
Senast ändrad
2015-06-05
*Datumkommentar: 988-995; året ändrat fr. DS:s 996; förfalskning fr. omkr. 1158. 1