SDHK-nr: 4461

Vniuersis presentes litteras inspecturis Botildis pætærsdoter in husaby byringe salutem in domino sempiternam Notum vobis facio per presentes me ex consensu dilectorum liberorum meorum silicet Erici Magnusson ac ingridis cum honorabili viro domino Nicholao Magnusson preposito strengiænensi, permutacionem prediorum meorum fecisse in hunc modum, videlicet recepta vna curia cum domibus et aliis pertinentibus ad eandem in vesgocia villa folabergh ad partem aquillonarem sitam parochia haslo ab ipso domino preposito. cum centum et quinquaginta marchis denariorum eodem filio meo erico nomine meo racione et nomine dictis wlgariter vildir integraliter numeratis traditis ad manum ac solutis de qua pecunie summa dictum dominum prepositum penitus quito et absoluo, Pro quibus silicet curia et vildir supradicto preposito suisque heredibus predia mea videlicet duodecim oras terre in sæby parochica(!) barwm cum domibus et singulis prope uel remote positis absque calumpnia legaliter assigno iure perpetuo possidenda, presentibus duobus vidyrvanimen silicet notholm eggardsson et kristiæno(!) in tandæsten, ac duodecim testibus wlgariter dictis fastær silicet bruddoni in tandæsten, andrea in arby, halstano in ødnistum, olauo bat in hælleby, villone in hulstum, Nicholao in tanælle, laurencio rænnæræ in næfsund ivæne buclaræ in røzuik, thyrberno in hakastum, ingewasto simonsson in hælleby, iohanne stubbæ in lundby ac berone in hulstæ in quorum eciam euidenciam siggilla predictorum silicet erici filii mei ac notholmi eggarsson ad instanciam memorate filie mee ingridis que siggillo non vtitur vna cum meo presentibus sunt appensa, acta sunt hec apud ecclesiam husaby byringge anno domini. M°. CCC°. XXX.VIII°. secunda dominica aduentus.