SDHK-nr: 1765

Facta compulsacione ad matutinas missam. et vesperas seu eciam pulsacione facta ad primam die qualibet sint in choro ebdomadarius vel qui officiare tenetur cantor et succentor, a pulsacione vero facta infra horam qua competenter et sine fraude potest legi pars Miserere mej, pater noster, et credo non incipiat officium dicendum, contrarium facientes puniantur in feriis et festis III lectionum in obulo Jn festis vero quum chorus regitur per duos Cantores in I denario, quum regitur per quatuor Cantores II denariis et nota quod augmentacio penarum per huiusmodi similitudinem et formam in omnibus absenciis debet obseruari, vt simplex festum IX lectionum duplo maiorem penam infligat quam feria vel festo III lectionum et maiorem duplum quam simplex IX lectionum, et est notandum quod in omnibus absenciis pro quibus choralis alius punitur in simplo ebdomadarius cantor et succentor puniatur in duplo Jtem quicumque vigiliis trium lectionum non interfuerit soluat obulum, qui vero a vigiliis IX lectionum defuerit soluat denarium, quicumque non interfuerit processioni soluat denarium Ebbdomadarius officium peractum absentes notat et false legentes et cantantes in officiis ad que asscripti sunt si autem ebdomadarius in hiis se negligentem ostenderit fauore vel precio seu obliuione non recitauerit et in capitulo non accusauerit puniatur jpse in tantum soluendo quam reus est soluturus qui emiserit dicere maiorem missam cum ipsam tenetur dicere ex officio puniatur ad arbitrium superioris et nihilominus illi qui tunc loco sui missam dixerit soluere compellatur duas oras. Cum sequencia dicenda fuerit in choro et propria sequencia asscripta non fuerit, absentibus canonicis super habenda ebdomadarius *) requiratur K ad cantoris officium spectat missam dicere matutinalem laudibus finitis in choro et propterea non obligatur vt laudibus intersint, sed ipso recedente succentor precedens supplebit officium suum Jn simplicibus festis IX lectionum seu quum chorus regitur per duos Cantores Jn maioribus vero cantor ascribat loco sui quem reputauerit aptum. Ceterum a festo beati martini vsque ad pascha cantor erit liber de prima et hoc tempore legat succentor lectionem in prima Missa matutinalis in feriis legatur in omnibus autem festis IX lectionum et in feriis et sabbatis dicatur cum nota omittens cantor eam legere soluat oram denariorum de qua presbiter suum officium complens solidum den. recipiat reliquum vero communitas choralium omittens eam cantare soluat II oras de quibus supplens recipiat II solidos denariorum reliquum vero communitas choralium Ad succentoris spectat officium quum missa fuerit dicenda inter primam et terciam eam dicat qui si eam non dixerit puniatur in tribus oris denariorum de quibus supplens recipiat oram reliquum communitas choralium U officium eciam eius est tabulam scribere que si scripta non fuerit ante primam pulsacionem vesperarum soluat vt in festis simplicibus qui vero non fecerit officium ad quod asscriptus est in tabula puniatur in simplicibus festis in obulo in maioribus vero in denario et supplens suum officium recipiat dimidietatem huius reliquum vero communitas choralium Quicunque eciam ocio torpens confabulando sedendo, dormiendo, vel alias se inaniter occupando non legerit vel cantauerit monitus soluat obulum in feriis, in festis IX lectionum denarium et in maioribus duos denarios Quicunque in choro insolencias fecerit quamuis leues ad testimonium duorum soluat solidum **), qui vero notabiles fecerit insolencias ita quod vox vel strepitus poterit audiri extra chorum soluat oram denariorum leuandum per chorum Ad summas missas dicendas in choro in feriis sit tamen vnus loco dyaconi indutus albis et stola in aduentu vero et XL omnibus sextis feriis et sabbatis vigiliis atque festis siue sint trium lectionum siue IX erunt duo seruientes Jn maioribus vero festis erunt saltim quatuor seruientes vel plures ad arbitrium tabulam scribentis Jn singulis diebus dominicis inter pascha et penthecosten et in omnibus festis IX lectionum Cantores seruiant cum cap... in primis et secundis vesperis matutinis et missa Jtem si ministri altaris parati non fuerint ad missam singuli in suis officiis priusquam confiteor dicatur ante summum altare soluat obulum quilibet in feriis et festis trium lectionum in festis vero IX lectionum denarium Jn maioribus autem duos denarios Quicumque choralium ceterorum ante incepcionem ymnj in matutinis kynelis in missa vel ante finem primi psalmi in vesperis non venerit in feriis et festis trium leccionum soluat obulum pro qualibet horarum predictarum si vero ante finem primi psalmi in prima III. VI. IX. seu completorio non venerit in feriis et festis trium leccionum soluat quadrantem pro qualibet hora et supradicta pena pro singulis horis augmentetur secundum festa quicunque vero de horis absens fuerit pro matutinis missa et vesperis in feriis et festis trium leccionum soluat denarium, pro qualibet horarum prima III, sexta, IX seu completorio soluat obulum et hec pena similiter augmentetur secundum festa Qui false legerit vel cantauerit puniatur hoc modo in feriis et festis trium lectionum in missa tamen false legens et cantans et qui in simplicibus festis matutinis missa et vesperis soluat obulum Jn festis vero prime soluat denarium in maioribus festis duos denarios Quicumque choralium obprobriosum verbum dixerit presentibus duobus et audientibus soluat solidum denariorum obprobriosum verbum intelligimus si quis alium appellauerit liughara muslaghu asna skipting dara vel similia qui vero vlterius excesserit vocando socium suum furem vel latronem vel similia presentibus duobus et audientibus soluat duas oras denariorum ex hiis duabus penis recipiat dimedietatem is cui iniuria facta est reliquum vero communitas choralium () Capitulum choralium habeatur singulis sextis feriis si autem festum aliquod tunc inciderit per quod capitulum inpediatur habeatur in quinta feria proxima precedentj quicumque vero choralium vel prebendariorum, ad capitulum non venerit soluat denarium qui vero de pena quam soluere tenetur in primo capitulo non satisfecerit vel saltim antequam teneatur secundum capitulum, delatus de hoc in capitulo secundo soluat duplum et si vsque ad tercium capitulum contumaciter restiterit nec satisfecerit delatus de hoc in tercio capitulo soluat triplum et si dictum triplum tunc non soluerit sit exclusus extunc ab officio chori et consorcio choralium et percepcione salarii sui donec per archiepiscopum vel capitulum fuerit restitutus Quicunque choralium chorum intrauerit sine superpellicio quum hore dicuntur in choro soluat obulum. Jtem ebdomadis natiuitatis pasche penthecostes variantur Cantores singulis diebus.