SDHK-nr: 16306

Vniuersis presentes literas inspecturis prepositus et capitulum ecclesie Arosiensis salutem in omnium Saluatore. Tenore presencium recognoscimus et.....protestamur quod constitutus coram nobis in domo capitulari prouidus et circumspectus vir Ewerardus Euerardi de M.......pri(1) quendam fundum vnius opelle in aquilonari parte fori ad orientalem partem platee iuxta domum lapi.... ecclesie uostre Arosiensis situm, in longitudine et latitudine tot vlnas continentem quot alter fundus opellarum ciuitatis ad orientem sitarum prope domum lapideam Johannis Tifridhamagh, altari prebende Forsby, per ipsum alias in dicta ecclesia Arosiensi fundate, pro luminaribus addidit et vniuit perpetuo possidendum, de quo quidem fundo due marche cere racione annui census dicti tomptageld supradicte ecclesie Arosiensi ex antiquo iure annuatim persoluentur. In cuius recognicionis et protestacionis euidenciam firmiorem sigillum capituli nostri vna cum sigillo dicti Ewerardi ad ipsius instancias est appensum. Datum Arosie, anno Domini mcd quarto, feria sexta proxima post vij fratrum.