SDHK-nr: 10177

Jn nomine Domini amen [.] Quia nos Nicolaus Dei gracia episcopus Lincopensis in veritate comperimus . quod inter omnia . que mortalis fragilitas . diuini amoris calore succensa / potest sudore suorum in rebus transitoriis / explicare laborum / hoc solum bene agitur / quo ipse amor diuinus . in cordibus fidelium roboretur et seruiencium cotidie in ecclesia Dei necessitas / opportuno remedio releuetur / deliberacione prehabita diligenti / de collatis nobis a Deo / cuius innumera circa nos beneficia profitemur / bonis nostris in Wædhlum . tam de prato magno . quam de porcione nostra in villa ipsa / cum integro statu suo sicuti nunc sunt et omni jure suo(a) . que bona(b) predicta . de nobili matrona . Katerina relicta Anundi Hemmingsson . emimus . / ac eciam de bonis nostris in Butnom . cum integro eciam eorum statu nullo penitus excepto / taliter ordinare decreuimus / et inpresenciarum . ad laudem et gloriam . dominj nostri Jesu . ordinamus / quod applicamus ea exnunc et in perpetuum . futuris temporibus . ad sustentacionem eorum . qui cotidie in ecclesia nostra deseruiunt horis diuinis . tam illorum qui sunt de capitulo nostro . / quam choralium . jta quod ille de capitulo qui pro tempore pecuniis ecclesie . colligendis prefuerit / redditus predictorum bonorum / ex integro leuare et colligere debebit et in tres partes equaliter diuidere . jta quod ter in anno distribucio fieri debeat / prima in crastino ascensionis Domini . / secunda in crastino natiuitatis beate Virginis / tercia in crastino conuersionis sancti Pauli / absque (1-) personarum accepcione(-1) . sic quod hii qui de capitulo sunt continue chorum frequentantes et vicarii sacerdotes cum ipsis / singuli ipsorum . in predictis tribus terminis / suas equales percipiant porciones / habituri nos et animas omnium fidelium defunctorum / in suis missis et oracionibus . sicut de ipsis confidimus . commendatos . Si vero quiuis episcopus Lincopensis . successor noster / bona predicta pro suis vsibus habere voluerit / tunc ipse singulis annis . infra octauas pasche triginta marchas bone monete . canonicis residentibus . infra sacristiam . assignare debebit / alias ordinacio bonorum predictorum stabit sicut superius est expressum [.] Datum Lyncopie anno Dominj Millesimo ccc°lxx°secundo fferia tercia pasche sub nostro et capituli sigillis.