SDHK-nr: 6682

Omnibus presens scriptum cernentibus Magnus, Dei gratia rex Suetiæ, Noruegiæ ett Scaniæ, salutem in Domino sempiternam. Tenore presenti (C: -is) nouerint vniuersi nos vidisse litteras infra scriptas aui nostri charissimi domini Magni, Suecorum Gothorumque regis, in nulla sui parte viciatas, tenorem qui sequitur continentes: Magnus, Dei gratia Suecorum Gotorumque rex, omnibus præsentes litteras inspecturis salutem in Domino Jesu Christo. Cum humanæ piætatis compassio miserorum compati debeatt miseriis et precipuæ quos morbus affligit incurabilis lepræ, videlicett cuius macula......miserabiliter inficit et deturbat, vnde licett a sanis videntur localiter beneficio, tum consolationes ac temporalis subsidii nullatenus possunt nec defraudari, cum itaque sano consilio ac discretione prouida et a Deo vt credimus inspirata auus noster dominus Magnus Mijneskiold nec non ett patruus noster episcopus Carolus ac pater fælicis memoriæ dux Birgerus, quorum animæ in pace requiescant, consensu pariter a (C: ac) assensu magis discretorum regni statuerunt firmiter, vt domui leprosorum Scheningæ satis egentium singuli nouem prouincias versus occidentem in Gocia inhabitatens (C: -tantes) vnam mensuram annone de decimis pauperum de cuilibet octonario præsoluant annuatim, in Kynd autem et Ydræ et a singulis communitatis incolis, que almenning dicitur, præfato hospitali tertia pars decimi pauperum integraliter reddatur, de Widbo et Tuetum communio nec non et Visingxö a quolibet rustico vnum modium annonæ annuatim hospitale (C: -i) supradictum (C: -o), hac conditione, vt omnes, quos in dictis prouinciis lepra infici contigerit, gratis ibi recipiantur nulla conditione penitus reclamante, nos igitur eorum factum tam pium ett tam commendabille totum habere cupientes litteras præsentes sigilli nostri numine (C: munimine) confirmamus, præcipientes discretius, quatenus omnia, quæ supradicto pro genitores nostri statuerunt in hac parte, non solum a rusticis sed a singulæs (C: -is) ecclesiasticorum prædiorum siue monasteriorum wel aliorum quorumlibet incolis diligenter obseruentur. Quicunque autem huic statuto contradicere præsumpseritt et dictam elemosinam non solueritt, nostram sine dubio sentiett vltionem. Datum Bielbo anno Domini 1280 4 kalend. maij.Nos igitur rex Magnus prædictus, piis progenitorum nostrorum vestigiis inherere cupientes, præsentem aui nostri ordinationem ratam et inuiolabilem decernentes, ipsam tenore præsenti (C: -is) confirmamus, mandantes et volentes ac etiam firmiter præcipientes antedictam elemosinam per omnes et singulos, vt præmissum est, fideliter exhiberi, prout gratiam nostram diligere voluerint ac fauorem. Datum Lincopiæ anno Domini 1354 quarta die circumcisionis Eiusdem.