SDHK-nr: 3032

Omnibus presens scriptum cernentibus Cristoforus dei gracia danorum sclauorumque rex. salutem in domino sempiternam Nouerint vniuersi. quod nos. annexionem et perpetuam vnionem ecclesie wæsby lundensis diocesis. curam animarum habentis. ad prebendam quam quondam tenuit dominus Gwido bone memorie. Nunc autem honorabilis vir. dominus Willelmus Krach legum doctor. domini pape capellanus. eiusdem lundensis ecclesie canonicus per reuerendum in christo patrem dominum Jsarnum quondam archiepiscopum lundensem swecie primatem de consilio capituli lundensis Ac consensu et voluntate magnifici principis fratris nostri dilecti domini Erici. quondam danorum sclauorumque regis necnon ei aliorum. in eadem ecclesia wæsby jus patronatus habencium factas. ratas et gratas habemus. et tenore presencium ad perpetuam rei memoriam confirmantes. presentis scripti munimine roboramus Jn rei testimonium sigillum nostrum presentibus duximus appendendum Datum worthingburgh anno domini M CCC vicesimo in profesto beati dionisii Jn presencia nostra.