SDHK-nr: 6650

Omnibus præsens scriptum cernentibus curatus ecclesiæ Ekeby in Domino salutem sempiternam. Tenore præsentis constare volo evidenter præsentibus et futuris me filio meo naturali Nicholao vndecim solidos terræ in Framastum parochia Ekeby prædicta per industriam propriam acquisitos cum omnibus eorum adiacentiis et pertinentiis in humido et sicco positis, quibuscunque nominibus censeantur, cum omnium hæredum meorum consensu et benevolentia ad perpetuam possessionem contulisse, ita quod sibi et suis hæredibus iure perpetuo debeant de cetero pertinere. In cuius testimonium secundum patriæ consuetudinem firmarios dictos fasta infra scriptos peto, videlicet Carolum Niklisson, Magnum Erichsson, Petrum Philpusson, Vluidum Vlffsson, Carolum Byrgersson, Henichinum Bonda, Laurentium Benedictzbroder, Thörnerum Jonisson ok Nicholaum de Rundaby, prolocutorem existentem in præmissis. Sigilla vero honorabilium virorum dominorum Nicholai de Skyellestum canonici Strengnensis, Haquini de Glantzhammar, præpositi Nericiæ, et Magni Erichsson vna cum meo proprio peto præsentibus apponenda. Datum anno Domini mccc, tertio beati Martini episcopi et confessoris.