SDHK-nr: 6722

Sachent tuit que a la requeste de maistre Mathias Laurens........(2) a Paris, procureur substitue, si comme il disoit, de larceuesque, preuost et chapitre de leglise de Vpsal au royaume de Suece, disant que les diz arceuesque, preuost et(3) chapistre auoient pour les escolliers estudianz a Pam de pla.......(4) . . . . . . . deux piaces a Pam, lune seant en la rue de la Serpent a Paris juignant a la maison maistre Jehan de Pacy, chanoine de Lysieux, dune part, et a la maison, ou Alixandre de Creuecuer conseilleur du roy nostre sire en sa chambre des comptes demeure a present, dautre, et vne autre place seant pardarrere lostel maistre Yues Symon, clerc, secretaire du roy nostre sire, en la dicte rue de la Serpent et aboutant a la ruelle aus deux portes par darrere le dit hostel, les quelles estoient inustilles et non profitables aus diz escolliers, si comme il disoit, et pour ce desiroit quelle(!) fussent prisees justement et loiaument afin de faire le profit des diz escolliers a son pouoir, si comme il maintenoit, nous Girart de Hin, Adan le picart et Regnier de Saint Lorens, macons et charpantiers jurez du roy nostre sire en la ville de Pam, auecques Jehan le bouteillier, jure de monseigneur leuesque de Pam, decendismes sur le Heu et visitames bien et diligemment les dictes piaces et, en bon auis sur ce entre nous, raportames par noz seremens et en noz loiautez, que la dicte place premiere seant entre la maison du dit chanoine et du dit Alixandre de Creuecuer, si comme elle se comporte en lonc et en le auec les aisances et profit de deux murs morteauz des dictes maisons du chanoine et Alixandre dessus diz, qui appartenoient a la dicte place, la caue, le puis et le jardin juignant du dit puis et toutes les autres aisances, profiz et appartenances de la dicte place et des murs et autres choses qui y sont a present, valoit et vaut cent soulz Parisis de rente par an comptees ens toutes rentes, seruitutes et charges autres quelconques, se en aucunes estoit trouuee la dicte place chargiee, et lautre place par darrere la maison au dit maistre Yues, si comme elle se comporte en lonc et en le auec ses aisances et profiz, tieulx come il y sont a present et toutes les autres appartenances et apendences quelconques, nous auons prisie et prisons par noz seremens et loiautez a quarante sols Parisis de rente par an comptees ens toutes rentes, seruitutes et charges autres quelconques, se en aucunes estoit trouuee la dicte place chargiee. En tesmoint de la quelle chose nous auons mis noz seauz en ces lettres dont nous vsons en tiex cas et samblabes(!). Donne a Paris le xxi (me ) jour dauril lan mil ccc cinquante et quatre.