SDHK-nr: 6164

Omnibus presens scriptum cernentibus ego Magnus Frøstensson salutem in omnium Redemptore. Nouerint vniuersi me viro prouido domino Rørichino Bondæ, regis Swecie militi, dimidietatem curie, in qua matrona bone memorie habitat (!) Margareta, videlicet Bredhægardh, cum omnibus prediis meis, que post obitum Danielis Ragnwalsson et ipsius Margarete legaliter per hereditatem teneor subleuare, in agris, in quibus semina pertinent et seminata fuerant ad Lyncopiam, pariter ad Nydhræ curiam et Vphræ infra Waardhhellæ et extra Wardhhellæ in siccis et aquosis, procul aut presens, pro quinquies centum marchis pariter et heredibus suis verariciter(!) dimisisse, quam pecuniam secundum nostra placita mutuo subleuaueram iuretenus testimonio sub veraci. Insuper si talis distinccio contigerit, videlicet quod ab aliquibus reuocata vel occupata fuerit, astringo me et heredes meos plenam satisfaccionem sibi et heredibus pecunie peragere, vt inferius est prescriptum. In cuius rei testimonium sigillum ciuitatis Lyncopensis vna cum sigillis virorum discretorum, videlicet Nicholai de Staangh, prefecti Lyncopensis, Tidimanni Lapsæ et Anundi, et meo proprio duxi apponendum. Datum anno Domini m°c°c°c°l° primo quinta die pasche.