SDHK-nr: 6513

Omnibus præsens scriptum cernentibus Bero Laurensson in Domino salutera sempiternam. Noveritis, quod viro nobili Halstano Päthersson et hæredibus suis omnia et singula bona mea, mobilia et immobilia, Harokzstörp in parochia Rapestadum sita in Östgotia cum vno molendino ibidem et eorum adiacentiis vniuersis, videlicet agris, pratis, siluis, piscaturis, pascuis, humidis et siccis, prope vel remote positis, quorumcunque(!) nomine censeantur, nullis exceptis, quæ quidem bona me post obitum dilectæ matris meæ Christinæ iure hæreditario contigerant, nec non et omnia et singula bona mea in Härestadhe eiusdem parochiæ sita, me post mortem dominæ Sunneuæ(?), sororis patris mei, iure hæreditario contingentia, cum ipsorum et ut præfertur adiacentiis vniuersis prætexta bonorum suorum in Halahult et Hönaskruktzmalä mihi et hæredibus meis per ipsum dimissorem nec non quinquaginta marcharum denariorum Sveuorum, quas idem Halstanus mihi ad bona sua prædicta addidit, quas etiam recognosco me promptæ et integraliter habuisse, perpetuo dimitto tenore præsentis et assigno translato in ipsum et. suos hæredes omnium(!) proprietatis iure, quod mihi in præmissis bonis meis hactenus conpetebat, ita quod mihi aut alicui hæredum meorum inposterum nulla sit facultas memorata bona sit(!) sibi dimissa revocandi seu quomodolibet aliter impetendi. In cuius rei evidentiam firmiorem sigilla venerabilis in Christo patris domini Thomæ, Dei gratia episcopi Wexionensis, nec non nobilis militis domini Nicholai Thurisson vna cum meo proprio præsentibus sunt appensa. Datum Förrijdha anno Domini mcccl tertio dominica septuagesime.