SDHK-nr: 5692

Omnibus presentes litteras inspecturis Magnus Jonsson dictus Syk in Domino salutem sempiternam. Tenore presencium euidenter recognosco me reuerendis dominabus et discretis, domine Wendilgerdi, sororum monasterii Skoo abbatisse, totique conuentui ibidem racione concambii tres oras terre in villa Skrymistum, parrochia Thygbille, sitas, cum omnibus adiacenciis prope villam et remote pro tribus oris terre in villa Thywlsaker, parrochia Hamarby, dimisisse firmo jure. Item ego Magnus supradictus predictis reuerendis dominabus racione introduccionis filie mee Katerine vnam oram terre cum xiii:cim denariis terre, quarta parte denarii terre minus, in eadem villa Skrymistum situatam, cum omnibus adiacenciis dimitto in perpetuam(!) possidendam. Quibus factis isti infrascripti sunt firmarii, primo Esbernus in Valby, Petrus Liffosson, Jacobus in Vestrobyle, Annundus in Eske, Olauus in Smidhaby, Nicolaus in Ørby, Sighwlphus in Windastenum, Ingemundus in Halundum, Ericus ibidem, Haraldus in Hagha, Vilielmus in Broby, Laurencius ibidem, Karolus ibidem, Johannes in Biwrsta, Petrus in Myklaby, Petrus in Thyelghaby, Jacobus in Nybbille, Benedictus in Eghistum, Petrus Bankasson, Magnus in Skadhwi, Carolus Saluasson, Petrus in Frøslundum, Olauus in Wi, Nicolaus Ragnosson. Item sub maiore testimonio sigilla discretorum virorum, videlicet domini Magni de Baldingstum et domini Micaelis de Knifsta vna cum sigillo meo presentibus sunt affixa. Datum et scriptum anno Domini m°ccc°xl octauo feria tercia post festum beati Andree apostoli.