SDHK-nr: 973

Omnibus presentes litteras inspecturis ‧ W ‧ Dei gracia Rex sweorum ‧ salutem in domino sempiternam. Ne ea que geruntur in tempore simul labantur cum tempore litterarum solent testimonio perhennari quod semper incommutabili loquitur veritate ‧ Hinc quod constare volumus vniuersis Nos dilecto famulo nostro Karulo Elipsun ‧ mansionem quam possedimus Wilattunge nomine Morar ‧ cum omnibus attinenciis suis pleno iure ‧ ac suis heredibus contulisse perpetuo possidendam quam eciam mansionem nostro accedente consensu vxori sue Rangburgi in donacionem propter nupcias assignauit ‧ tali videlicet condicione adhibita ‧ quod si idem Karulus absque liberis decesserit ad predictam vxorem suam dicta mansio deuoluatur ‧ si vero ipsam premori contigerit ad predictum ‧ K ‧ maritum suum superstitem mansio prefata redeat inconcussa ‧ Ne igitur super hiis in posterum aliqua dubietas horiatur presenti littere sigillum nostrum in plenum testimonium ‧ duximus apponendum ‧ Datum Fyæholm ‧ Anno domini ‧ M° ‧ CC° ‧ LXX° ‧ V° ‧ in festo sancte Agathe virginis.