SDHK-nr: 2614

Omnibus presentes litteras inspecturis Frater Jsrael miseracione diuina. Episcopus Arosiensis jn domino salutem. Constare volumus vniuersis(1), quorum intererit quod cum dilectus quondam frater noster dominus johannes angelus bone memorie cuius nos propinquior heres sumus, sex oras terre in Rislinge(2) de nostro consilio et assensu, deputauerit pro funeralibus suis, videlicet baldekino, cera, oblacione et distribucione pauperibus facienda, prout in testamento ipsius expressius continetur. et predicte sex ore terre propter karistiam temporis non suffecerint ad summam centum quadraginta quatuor marcharum quas a venerabili patre domino N. archiepiscopo vpsalensi pro premissorum expedicione nos hoc scripto recognoscimus partim in prompta pecunia, partim in expensis et rebus alijs necessarijs mutuo recepisse. Nos ex speciali commissione per litteras eiusdem domini johannis quondam fratris nostri in eius extrema egritudine nobis facta. ad supplendum omnia et singula que circa eius testameritalem ordinacionem inuenta fuerint defectina. vna Cum sepedictis sex oris terre in Rislingi, tres attungos terre octaua parte minus in kætastadum cum omnibus eisdem adiacentibus supradicto domino archiepiscopo in pignore ponimus tali pacto. quod si antedicte centum quadraginta quatuor marche infra annum a data presencium, per nos, uel coheredes(3) nostros, solute non fuerint, extunc eorundem prediorum cum suis attinencijs per nos rite impignoratorum jus et proprietas ad vpsalensem Ecclesiam integraliter deuoluatur. Porro a sepefato domino archiepiscopo recepimus quatraginta marchas denariorum vnum baldekinum tres lestas ceruisie. duas lagenas butiri octo talenta cere. panes decem talentorum, ex quibus quatuor fuerunt talenta siliginis. et sex talenta ordei, vnum porcum viuum, et duas ligaturas allecis. Jn quorum omnium euidenciam sigillum nostrum presentibus est appensum. Datum apud arnø anno domini M°. CCCº. XIIIIº. feria tercia infra octauas ascensionis.