SDHK-nr: 7820

Jn nomine Patris et Filij et Spiritus sancti et cetera . Ego Magnus Galle de Akør gaudens in sospitate hominis vtriusque consideransque et attendens / quod nichil morte cercius / nichilque incercius hora mortis / ideoque aduentum mortis / cunctis mortalibus ineuitabilem / aliquibus pijs operibus / de bonis michi a Deo concessis / preuenire cupiens / monasterio sancte Marie Noue Vallis / virisque venerabilibus, videlicet domino abbati / et conuentui ibidem / noctu dieque Deo famulantibus / apud quos meam eligo sepulturam / ob remissionem peccatorum meorum / necnon(a) pro animabus progenitorum meorum, scilicet Magni Getaskallæ / consortisque sue predilecte Elene / et matris mee carissime Cristine Magnussdottør(b) / et fratris mei Magni Swensson . omniumque cognatorum meorum / curiam meam in Galtaas, quam iure hereditario post matrem meam predictam(c) habui . cum domibus, agris / pratis / pascuis / ceterisque adiacencijs suis / infra sepes et extra / prope vel remote / in possessionem perpetuam / testamentarie confero et condono // Jn(d) cuius rei euidenciam firmiorem sigilla discretorum virorum, videlicet domini Haquini de Aker curati Parochialis mei / et Benedicti Brudzson / prolocutoris prouincie Østbo / et Vlphonis Aruizson / cum instancia petiui(e) presentibus apponenda // Datum et actum confirmatumque est / coram omnibus(f) parochialibus meis publice in Conuencione eorum dicta soknastemmo // per me sanum et incolumem / anno Domini M°ccc° . lx° in dominica proxima post Aduincula sancti Petri .