SDHK-nr: 7022

In nomine domini amen. Int Jaer ons heeren als men screef M. CCC.LVI, omme twidracht willen, di wenne tusschen den alderluden der ghemeenre duutscher Coopluden gheweset heuet: so hebben de raedsmannen de hier ghezant zyn van den oosterschen Steden: als her hinrick plescowe van Lubeke, her Johan vamme Kyle van hamborch; vnd her johan buxtehude van Sunde met ganzer macht vnd eendracht des lubeschen derdendeels, vnd voort her hillebrant Keyser van Dorpmunde, her Johan Schotte van Soest, her Johan van Soest van Thoren, und her johan van nogarden van eluingen, mit ganzer macht und eendrachticheit des Westpheelschen und des pruuschen Dordendeels; vnd voort her johan van brunswyck(a) van Gotlande, herman bredenschede van den lyflandschen Steden, mit ganzer macht vnd eendracht des gottenschen Dordendeels over een ghedreghen, metten sesse alderluden vnd mit den achtien mannen, die de alderluden pleghen to sick to verboden, wan se wot hebben to doen, met ener ganzen eendracht der zake vnd pointe, die hierna staen bescreven.