SDHK-nr: 3805

Omnibus presens scriptum cernentibus, ønder dictus staarlonger et Nicolaus dictus høøker salutem in omnium saluatore, Cum anno domini M° CCC° XXXI°. circa festum beati barnabe, discretis uiris, videlicet reuerendo domino Nicolao abbati et conuentui noue uallis ex vna parte, bosoni in skiparstadhom et eius vxori ex altera, joaro et petro et eorum vxoribus ex tercia, uideretur expedire, concambium inter se facere prediorum, et ad inspiciendum ac arbitrandum inter eos, nos uocati fuissemus, jn hunc modum tandem concorditer cambiuerunt uidelicet, quod dicti dominus abbas et conuentus acceptarunt perpetuo possidendas, possessiones omnes vxoris eiusdem bosonis in laangedhe cum domibus agris, pratis, molendino ceterisque eisdem legaliter attinentibus intra sepes et extra, pro possessionibus suis omnibus in skogh iuxta løfsiohult, et molendino in skaftathorp per nobilem dominum Tuconem felicis memorie, dicto monasterio dato, dictique joarus et petrus, ipsum predium in skogh similiter cum domibus agris, pratis, ceterisque iuribus eidem legaliter attinentibus intra sepes et extra, gratanter acceptauerunt, dando dicto bosoni et eius vxori pro premissis possessiones omnes in skiparstadhom, quas iidem petrus et joarus ac eorum vxores hactenus possederant, similiter cum domibus, agris, pratis, siluis nemoribus ceterisque eisdem legaliter adiacentibus intra sepes et extra, Quibus et dicto molendino in skaftathorp, ac tribus marcis denariorum quas addiderunt ipsi religiosi, nominatus boso et eius vxor peroptime reddiderunt se contentos Quod quidem concambium per consensum et acclamacionem dictarum parcium, legum omni plenitudine in communi placito Ekesio, data fide, apposicione pene wlgariter dicta widherlæghe viginti marcarum denariorum extitit roboratum, Jn quorum testimonium Anno et tempore supradictis .a. predictis partibus rogati sigilla nostra presentibus duximus appendenda.