SDHK-nr: 5578

Omnibus presens scriptum cernentibus Thirnerus Ingalson salutem in Domino sempiternam. Tenore presencium recognosco me religiosis et in Christo d[ilecti]s dominabus, domine abbatisse et conuentui in Wretum in centum marchis denariorum monete Sueuicane veraciter obligari [in] festo beati Michaelis proximo futuro cum consensu heredum meorum et voluntate, omni inpedimento procul moto, persoluendis. Pro qua pecunie summa, vt maiori et cauciori fruantur cautela, bona mea predialia dicta, de quibus annuales fructus proueniunt quindecim thynones annone cum totidem oris denariorum, Æzløso in parochia Mælloby et Slykkiu in parochia Rapustadhum cum omnibus ipsorum pertinenciis infra sepes et extra, prope vel remote, secundum leges dominabus et monasterio premisso inpingnero pecunia pro premissa: tali racione prehabita quod, si dicta pecunia in termino prefixo non erit persoluta, extunc jus michi pertinens mihi meisque heredibus alienabo et in ipsas dominas plenum jus poss[ess]ionis transfero per presentes neque per me neque per meos heredes vnquam reuocandum. In cuius protestacionis euidenciam firmiorem sigillum meum cum sigillis virorum discretorum, videlicet fratris Thordonis, prioris Aluuastre, et domini Petri, curati loci supradicti, et Olaui Sigmundæson et Cristine, relicte Laurencii Biornsson, presentibus est appensum. Datum anno Domini m°ccc°xl°viii° in crastino beati Gregorii pape.