SDHK-nr: 10729

Vniuersis^a Föregånget av brevinledande tecken ms. presentes litteras visuris uel audituris ‧ Thẏrgillus miseracione diuina ‧ episcopus Strengenensis ‧ in Domino salutem sempiternam. Noueritis quod, cum honorabilis vir dominus Iohannes ‧ Ludolphi ‧ canonicus ecclesie Vpsalensis ‧ et curatus parochialis ecclesie ‧ beati Nicholai Stocholmis ‧ pia consideracione / et deuocionis studio ‧ circa salutem anime sue sollicitus et intentus ‧ de bonis a Deo sibi collatis / ecclesie nostre Strengenensi ‧ ad fabricam suam ‧ xiij solidos terre ‧ in villa Ramshamar parochie Kiula nostre dẏocesis cum omnibus eiusdem terre adiacenciis quibuscumque nominibus censeantur ‧ ad ipsum ‧ secundum legum terre ‧ sancciones rite deuolutos ‧ testamentaliter legauerit perpetuo possidendos ‧ nos eiusdem dominj Iohannis sincere affeccionj gratam vicissitudinem rependere volentes ‧ et spiritualem facere recompensam ‧ cum consensu capituli nostri statuimus et ordinamus ‧ vt ẏconomus ecclesie nostre predicte, qui nunc est ‧ et is, qui pro tempore fuerit, obligatus sit et astrictus ‧ ad faciendum celebrari in ecclesia nostra predicta ‧ anniuersarium pro salute anime sue singulis annis in profesto beati Gregorij pape cum vigiliis ix leccionum / et de redditibus eorundem bonorum ‧ xx oris denariorum monete currentis receptis / sacerdotibus missas pro defunctis ibidem protunc celebrantibus distribucionem faciat ‧ et distribucione facta ‧ quod superest campanario ecclesie ‧ et pauperibus conferat bona fide / super quibus omnibus^b Bokstaven m delvis utplånad ms. pleniter obseruandis et faciendis conscienciam ẏconomj duximus onerandam. Jn cuius firmiorem euidenciam ‧ sigillum nostrum ‧ et sigillum capituli nostri presentibus sunt appensa / Datum ‧ apud ciuitatem Strengenensem anno Dominj Mºcccº septuagesimo quinto ‧ die translacionis beati Eskilli martyris gloriosi.