SDHK-nr: 10236

Omnibus presens scriptum cernentibus . Ericus Karlsson . Steno Bendicsson et Steno Stensson milites salutem in Domino sempiternam . Quia nobilis vir dominus Nicholaus Thurisson quondam dapifer regni Swecie . patruus et dominus noster karissimus . mutuo receperat ab ecclesia Lincopensi ducentas quinquaginta marchas denariorum sibique impignorauerat bona sua in Nyærdhawi scilicet (a-) septem attongos’(-a) et tandem morte preuentus fuit antequam eidem ecclesie satisfacere posset . nos indempnitati tam eiusdem ecclesie Lincopensis quam saluti anime dilecti patrui nostri predicti consulere cupientes . bona predicta in Nyærdhawi omnia cum integro statu suo sicut sunt . nullo penitus excepto . de ipsorum adiacencijs . eidem ecclesie damus et perpetuo relinquimus in solutum / plenum ius proprietatis et possessionis bonorum eorundem . pro debito predicto transferentes in eandem / jta quod si bona predicta in valore suo . summam debiti memorati transcenderint . pro hoc satisfieri debebit . oracionibus - et alijs diuinis officijs que in ecclesia fiunt cotidie memorata . / et nichilominus ecclesia(b) ipsa . iuxta promissionem dominj archidyaconi . sibi trecentas missas infra annum faciet celebrari . Rogamus igitur instanter dilectos in Christo omnes coheredes nostros . ipsosque requirimus in Domino et monemus / vt et ipsi pio compassionis amore saluti anime eiusdem patrui nostri benigniter intendentes / grata et rata velint habere ea que per nos super bonis eisdem gesta sunt / Datum Lincopie anno Dominj M°ccc°lxx°secundo die beati Jacobi apostoli sub sigillis nostris.