SDHK-nr: 472

Otto miseratione diuina sancti Nicolaj in Carcere Tulliano diaconus Cardinalis apostolice sedis legatus. Vniuersis christi fidelibus presentes litteras inspecturis. Salutem in domino. Quoniam ut ait apostolus &c. såsom N:o 275 till uitam eternam. Cum igitur Ecclesia beatj Johannis domus pauperum leprosorum lundensis reparetur de nouo. ac etiam ijdem pauperes tanto premantur onere paupertatis quod uix ualeant sustentarj nisi fidelium christi subsidio adiuuentur, vniuersitatem uestram rogamus attencius & exhortamur in domino ac in remissionem uobis iniungimus peccatorum, quatinus de bonis a deo uobis collatis ad ecclesie reparacionem & ipsorum subuencionem pias elemosinas & grata caritatis subsidia erogetis. ut per subuencionem uestram eadem ecclesia ualeat feliciter repararrj. & eorum inopie consulatur ac uos per hec et alia bona que feceritis domino inspirante ad eterna possitis gaudia peruenire. Nos enim de omnipotentj dej misericordia & beatorum apostolorum Petrj et Paulj meritis et intercessione confisi, omnibus quj ad ecclesiam ipsam personaliter accesserint, et ad reparationem ipsius ac dictorum fratrum subuentionem manum porrexerint caritatis, quadraginta dies de iniuncta sibi penitentia auctoritate legationis qua fungimur misericoditer relaxamus *) Datum lundis X kal. aug.