SDHK-nr: 18688
Datering
1416 mars*Utfärdandeort
Vadstena klosterInnehåll
Abbedissan och konventen i Vadstena kloster till generalkonfessorn Ericus Johannis med underrättelser om munken Störkarus’ död den 1/3 och begravning den 2/3 m.m.
Språk
latin
Källor
- Medeltida avskrifter: Codex 6 (Benz.), fol. 56, UUB
Brevtext
Filiali in Domino salutacione premissa sincere cum omnimoda reuerencia subiectiua. Dilectissime pater noster. Ecce anima nostra turbata est valde eo, quod paternitatem vestram, quam ex totis medullis anime exspectamus, nondum vidimus reuertentem putamusque de peregrinacione vestra vix tanta posse com[m]oditatis solacia subsequi quanta tristicie et incom[m]oditatis preambula antecedunt, et quamuis erga nos prospere aguntur vniuersa et multa ad vota nobis succedunt, nichil tamen nos habere putamus consolacionis quamdiu de vestra absencia suspiramus, nec possumus neque volumus peregrinacionem vestram diucius sustinere, ymmo nisi paternitas vestra reuersa fuerit infra breue faciemus eam per tales literas reuocari quod redire non differat, eciam si fundacionem illius monasterii per huiusmodi reuocacionem contingeret totaliter impediri, nam inconueniens esse dinoscitur vt sic curetur domus aliena quod reddatur propria desolata. Item frater S[tørkarus] per quinque ebdomadas est infirmitatis molestiis infestatus, sed tandem victus cessit dominica L (me ) viam vniuerse carnis ingrediens post cenam et in crastino est sepultus, cuius locum vacuum volumus remanere donec vestra paternitas redierit et ipsum, qui sibi succedat, prior elegerit, vt tenetur, quamuis talis dilacio nimis fuerit aliquibus onerosa. Paternitatem vestram etc......Hec abbatissa ac vterque conuentus monasterii Watzstenensis vestre paternitatis grex humilis et sincerus.
Extratext
Adress: Religioso viro ac nobis in Christo precarissimo fratri Erico, confessori generalis monasterii Watzstenensis, sincere et reuerenter presens detur
Tryckt
- SD 2194 se pdf av tryck
Litteratur och kommentar
Jfr SDHK nr 18673, SDHK nr 18674, SDHK nr 18683 och SDHK nr 18676. Jfr äv. svaret, SDHK nr 18710.
Senast ändrad
2018-10-22
*Datumkommentar: efter 14160302; omdat. fr. (SD:s) efter 14160301; dateringen supplerad