SDHK-nr: 5205

Omnibus presentes litteras inspecturis. Olauus curatus ecclesie Lunda salutem in domino sempiternam. Tenorepresencium euidenter recognosco. quod discreto viro benedicto fadhersson. predia mea videlicet quatuor solidos terre cum dimidio in sæghlæstum in parochia ecclesie beati nicholai nycopie. cum omnibus eorum adiacenciis. prope vel procul positis. nullis exceptis. de nobili viro domino egardo de kyrne pro duobus solidis terre in villa dicta øøsby. ac pro alio precio racionabiliter acquisita. pro quadraginta sex marchis Sveworum denariorum. legaliter assignaui. michi meisque heredibus abdicata. sibi suisque heredibus iure perpetuo irreuocabiliter possidenda. ad maiorem vero obseruacionem legum sudhermannie in premissis testes fidedigni. scilicet gøzstauus birghirson et siggo ionison. ac firmarii dicti fastæ. viri infrascripti. specialiter sunt adducti. videlicet. karolus magnusson. tidechinus de lingen. laurencius ioonson. olauus ioonson. anundus ioarsson. michael in hostum. nicholaus in biærghum. rangwaldus in øsby. botwidus in hamarstum. iacobus in kalswi. iohannes ioonsson et nicholaus in ekby, Jm (!) premissorum igitur euidenciam firmiorem. ne error aliquis possit per quempiam suboriri. sigilla prenominatorum domini egardi de kyrne militis. karoli magnuson. et siggonis ionisson. vna cum sigillo meo proprio. peto presentibus apponenda Datum telghis anno domini M° CCC° XL° quinto. die beati petri ad vincula.