SDHK-nr: 1125

Magnus dei gracia sweorum Gothorumque Rex. deuotis & in christo sibi dilectis ffratribus Minoribus.......tam posteris quam modernis, salutem in virginis filio ihesu christo. Quoniam memoria mortuorum vt plurimum .........riis distractionibus occupacionibus & sollicitudinibus a mentibus solet elabi superstitum Magisque p ........ dinoscuntur, tunc cuique sollucioribus subuenire suffragijs quando ipse sibi est omnino impotens & extra ......... jdcirco ne memoria nostra simul cum sonitu campanarum pereat sed in vestris piis desiderijs vigeat & rad..... animam nostram vestris sacris oracionibus omni deuocionis affectu quo possumus humiliter recommendamus, postulantes . . . . . de gracia & munere speciali vt, memores quanto cordis affectu, in vita nostra vestro sacro ordini adheserimus, nobis iam . . . . cacius & instancius velitis oracionibus sacris succurrere, quanto eis multiplicius modo noscimur indigere. Ceterum volumus & ordinamus, Monemus & Rogamus Quatenus panni, paramenta, vasa & indumenta, omnia que inspirante deo & cooperante, ad cultum & ministerium dei domui ffratrum stokholm, legauimus assignauimus & donauimus, ita illi domuj attineant & ibidem remaneant. quod nulla occasione, nulla caussa, nulla necessitate, nullo casu, dentur, distrahantur, alienentur, vendantur, seu eciam quocumque titulo commutentur. Quicunque autem hoc, contra nostram hanc assignacionem, ordinacionem & ultimam voluntatem, fecerit, seu attemptare presumpserit. diuine seueritatis vlcionem super se poterit formidare.