SDHK-nr: 3978

Magnus Dei gracia Svecorum(1), Gothorum, Schanie ac Norvegie Rex, omnibus presens scriptum cernentibus salutem in Domino sempiternam. Nouerint vniuersi, quod nos exhibitores presencium Leprosos de ciuitate Lundensi, vna cum omnibus bonis ipsorum et familia eisdem(2) attinente, sub nostra pace et protectione suscipientes specialiter defendendos, dimittimus eis omnia bona sua ab omni expedicionis grauamine(3), impeticione exactoria, Jnnæ studh(4), ceterisque solucionibus, oneribus et seruiciis, ad jus nostrum spectantibus, liberos(5) pariter et exemptos(6). Hanc eisdem graciam facientes specialem, quod omnes et singuli de ipsorum familia et(7) [d.v.s.: de] excessibus suis, quod(8) [d.v.s.: pro] jure nostro nulli respondere debeant, nisi sibi. Vnde(9) per graciam nostram districte prohibemus, ne quis aduocatorum nostrorum, vel eorundem officialium, seu quisquam alius, ipsos contra tenorum(10) [d.v.s.: tenorem] presencium, aut eorum procuratorem presumat aliquatenus molestare, sicut regiam vitare voluerit vlcionem. Jn cuius rei testimonium sigillum nostrum presentibus [est] appensum(11). Datum Lundis(12), Anno Domini M CCC XXXIII.(13) feria secunda die(14) [d.v.s.: secunda post diem] beati Canuti Regis et martyris, in presencia nostra.