SDHK-nr: 5655

Omnibus presens scriptum cernentibus Haldorus, Andreas(2), Christina et Ødyldys in Gyltatorp habitantes salutem in Domino sempiternam. Nouerint universi nos viro discreto Johanni Holmgersson de proprio patrimonio et matrimonio in Gyltathorp manente, videlicet me Haldorum iii hastas, quarta parte minus, Andream duas hastas, Christinam, sororem nostram, vnam hastam et Ødyldym, etiam sororem nostram, vnam hastam cum quarta parte unius haste, tam plenum in Strokalwen(!) et Strokahult (C: Stockhult?) sed alibi et cum omnibus adjacenciis, prope vel procul positis, nullo loco excepto, ubicunque patrimonium vel matrimonium in villa prefata inveniri poterit, testimonio discretorum totaliter vendidisse. In cujus evidenciam ob carenciam sigillorum propriorum sigilla discretorum virorum, videlicet domini Erici in Hærlæstadhum socii sui domini Arungi et Hemmingi Skallæ petimus anteponi. Datum Hærlæstadhum anno Domini m°ccc°xl°viii° dominica proxima post festum beati Olavi regis et martyris.