SDHK-nr: 6640

Omnibus presens scriptum cernentibus Alexander Jensson de Thyrthinghe armiger salutem in Domino. Nouerint vniuersi me anno Domini millesimo cc°c quinquagesimo tercio sabbato proximo post festum omnium sanctorum honorabili viro domino Benechino, cantori ecclesie Lundensis, procuratori fabrice ecclesie eiusdem, nomine et ex parte fabrice ecclesie predicte omnia et singula bona mea in Fathærstorp in parochia Othenzströ sita cum estimacionibus, videlicet duabus vaccis legalibus, quatuor solidis annone et vno gwlf feni, agris, pratis, pascuis, siluis et omnibus aliis suis ab antiquo adiacenciis, mobilibus et inmobilibus, nullo excepto, in quibus quidem bonis quidam Guthmundus Maltæ dudum residebat, pro iusto precio vendidisse et in placito generali terre Scanie publice scotasse iure perpetuo possidenda, astringens me et heredes meos per presentes bona fide dicta omnia et singula bona cum omnibus suis adiacenciis, vt premittitur, eidem domino Benechino et fabrice ecclesie antedicte secundum leges terre Scanie apropriare et liberare ab impeticione quorumcumque. In cuius vendicionis et scotacionis testimonium sigillum meum et sigilla virorum discretorum domini Magni presbyteri, prioris monasterii sanctimonialium Lundis, Strangonis Johannis et Wlphonis Anghæson de Harthakralithlæ presentibus sunt appensa. Actum et datum Lundis anno et die supradictis.