SDHK-nr: 152

adrianus Episcopus, servus servorum Dei, beatissimo Reymberto sanctae Hammaburgensis Ecclesiae Archiepiscopo aeternam benediccionem. ((Quoniam)) Apostolicae dignitatis est, non solum Ecclesiam fundare, sed & ab aliis Ecclesiarum architectis spiritualibus fundatas sublimare, dignum duximus, frater Charissime, pro petitionis tuae voto aures debitas benignitatis tuae inclinare. Concedimus igitur tibi, sicut a praedecessoribus nostris B. Gregorio & Nicolao concessum est, scilicet ut gentes Wimodiorum, Norblingorum, Danorum, Norvenorum, Suenorum, vel quascunque Septentrionalium nationum jugo fidei praedicatione tua subdideris ad sedem Hammaburgensem spirituali devotione possideas, & omnibus successoribus tuis, ad eandem sedem perpetuo possidendas relinquas. Legatum quoque nostrum te per omnia Septentrionalia regna constituimus omnibusque supradictarum nationum episcopos praesentes & amplius profuturos, cum subjectis sibi plebibus tibi, & omnibus successoribus tuis ad sedem Hammaburgensem usum pallii habendum in festis & temporibus a praedecessore nostro tibi denominatis, scilicet in pasca, in pentecoste, in natali Domini, in assumptione, in nativitate, in purificatione sanctae Mariae, in natalitiis Apostolorum, in dominicis diebus, & in omnibus festis in dioecesi tua celebribus, ornari quoque caput tuum mitra, portare ante te crucem, praeterea tibi & sanctae Hammaburgensi Ecclesiae & omnibus successoribus tuis, auctoritate Apostolica firmamus, quecunque Ecclesiae tuae jam a Christieolis tradita sunt, vel amplius delegata fuerint, in parochiis, in praediis, in omnibus rebus mobilibus & immobilibus, in mancipiis utriusque sexus, ut ea Ecclesia praedicta inviolabili potestate perpetuo possideat. Si quis autem, contra hujus nostrae auctoritatis privilegium ire temptaverit, & quoquo modo in parte vel ((in toto)) frangere nisus fuerit, cujuscunque potestatis vel dignitatis sit, aeterna excommunicatione cum Juda traditore Domini pereat, nisi resipiscat, & Ecclesiae Hammaburgensi satisfaciat. Observator autem hujus nostrae ammonitionis & jussionis habeat benedictionem omnipotentis Dei, beatorumque Apostolorum, & nostram, qui eorum fungimur vicariatione. Sancta Trinitas fraternitatem tuam omni tempore conservare dignetur incolumen, atque post hujus Seculi amaritudinem, ad perpetuam ducat beatitudinem. Scriptum per manum Gregorii Notarii atque scriniarii sancti palatii, in mense Novembrio Indictione V. Data per manum Johannis Cancellarii sanctae Romanae Ecclesiae, peractis missarum celebrationibus ante altare beati Petri Apostoli.