SDHK-nr: 5728

In nomine Domini Amen. Nouerint vniuersi presentes inspecturi, quod ego Suno, dictus Katte, reuerendo viro domino Magno, archidiacono Lincopensi, de consensu heredum meorum dimidium attongum terre in Lundby cum suis pertinenciis vniuersis ad solem propius situatim (C: -tum) pro quadraginta iiii:or marcis denariorum pecunie numerate pure ac legaliter vendidi et titulo proprietatis in possessionem et dominium per festas legittimas perpetuo assignaui, adempta mihi meisque heredibus hanc vendicionem, sic pure factam, quouis modo vel ingenio calumpniandi, inpetendi siue reuocandi omni penitus facultate ita tamen quod, si ad firmam supradictus dimidius attongus locari seu ordinari debeat pro annua pensione, videlicet xv modiorum annone et vii solidorum cum dimidio et apparatu vnius noctis, de ipsius domini archidiaconi promissione valeam, quoad vixero, ceteris conductoribus siue locatoribus anteferri. Presentes huic contractui fuerunt discreti viri Laurencius Thuresson, qui fuit festeman, Nicholaus Stang, balliuus Lincopensis, Auidus(!) [C: Arui-] Ludinxstadh, Laurencius, gener meus, Nicholaus Thurunasson (!), Frøstanus, villicus in Rizstadhum, cum aliis pluribus fidedignis. In cuius testimonium vna cum sigillis ciuitatis Lincopensis et domini Petri de Rizstadhum sigillum meum proprium presentibus est appensum sub anno Domini m°ccc°xlix° feria secunda post dominicam Letare.