SDHK-nr: 7216

Universis præsentes literas inspecturis, Petrus divina miseratione archiepiscopus Upsalensis(a) , aeternam in Domino salutem. Noveritis(b) quod anno Domini 1357, die beatæ Margaretæ virginis, constituta coram nobis apud ecclesiam Thigbyle(c) , prope Sigtunam(d) , officium visitationis agentibus, discreta matrona, Margareta(e) de Lundby, parochiana capellæ Ytragran(f) , publice est confessa, quod quædam prædia, videlicet quatuor solidos et duodecim denarios terræ in villa Eklo(g) , (h-) ipsius parochiæ Ytragran(-h) , ac unum solidum et unum denarium terræ(j) in villa Yffrahelleby(k) , parochiæ Yffragran(l) , sitos, curato, qui nunc est ibidem, et qui pro tempore fuerit, ad mensam et sustentationem ejusdem, nec non unam oram terræ in prædicta villa Lundby, dictæ capellæ Ytragran(m) , . pro sui(n) fabrica, ob suæ et cujusdam(o) Petri, mariti sui prioris, ac liberorum suorum defunctorum animarum refrigerium, de bonis conquisitis(p) per eandem, dederat et perpetua donatione assignarat. Nos igitur justum et meritum reputantes, ut operi tam pio, per ordinationem nostram congruam, respondere debeat (q-) promptus favor(-q) , quo alij Christifideles ad similia (r-) facienda pietatis opera(-r) devotius excitentur, volumus et auctoritate ordinaria statuentes ordinamus, qua[tenus](s) aliqua (t-) die circa octavam(-t) Corporis Christi, pro animabus Petri et liberorum prædictorum, ejusdemque Margaretæ, dum ex medio evocata fuerit, in dicta ecclesia Ytragran(u) vigiliæ cum missa defunctorum semel annis singulis in perpetuum debeant celebrari. Astringentes tenore præsentium(v) dominum Erlingum, nunc ejusdem ecclesiæ rectorem et omnes etiam(x) in eadem ecclesia successores, ad ordinationem nostram hujusmodi devote et fideliter observandam; hoc adjecto, quod quocunque die aliquis ipsorum curatorum missam hujusmodi animarum(y) celebrandam decreverit, die dominica vel alia die celebri, diem celebrationis missæ ejusdem proximo præcedente, hoc coram populo in ecclesia eadem publice pronunciet, ut quicunque voluerit, vel cujus interfuerit, comode valeat hujusmodi celebritatis officio interesse. In cujus rei testimonium sigillum nostrum præsentibus duximus apponendum. Datum anno, die et loco supradictis.(z)