SDHK-nr: 2939

Omnibus ad quos presens peruenerit jntellectus, Cristina nicolai jonson Relicta, salutem jn domino sempiternam, Nouerint vniuersi et per presentes firmiter protestor Me cum religiosa domina et deuota domina kynigundi sanctimonialium in monte beate virginis abbatissa, eiusque conuentu ibidem, quoddam prediorum concambium commisisse, ej suique conuentu [- tui], vnam marcham terre in swertunghe parochia sølandatunum, cum domibus ceterisque eidem attinenciis, jnfra sepes et extra, prope vel remote positis, jrreuocabiliter assignando, pro qua marcha terre eadem domina .K. abbatissa. mihi meisque heredibus vnum octonarium dictum atungh terre ølandie scitum [d.v.s.: situm] jn villa frøslundum parochie stenuse, appropriauit perpetuo et irreuocabiliter possidendum. Transferens jn ipsam dominam abbatissam suumque conuentum plenum proprietatis ius et possessionis dominium, dictam terram, vendendi, commutandi, seu quocumque modo pro sue libitu voluntatis voluerit ordinandi, Jn cuius rei testimonium discretorum sigilla Erici cristiarnson et liquidi fratrum meorum karissimorum, et petri sigridason vna cum sigillo meo proprio presentibus sunt appensa, Actum anno dominj .M°. CCC°. XIXº. jn octaua beati laurencij martiris.