SDHK-nr: 2562

Nicolaus miseracione diuina Archiepiscopus, et Capitulum vpsalense exequtores deputati a sanctissimo patre nostro domino Clemente papa quinto, ad petendum, exigendum et recipiendum pecuniam de denario beati petri ecclesie Romane in regno Suecie debito dilectis in christo filiis, Gerardo et Mathie husabytrogh. et nes ecclesiarum rectoribus Jn domino dileccionem et salutem, Noueritis nos litteras sanctissimi patris ac dominj nostri, dominj Clementis diuina prouidencia pape quinti, non rasas non abolitas nec in aliqua sui [parte] uiciatas, sed omni suspicione carentes recepisse in hec uerba, clemens Episcopus seruus seruorum dei &c Se föreg. N:o 1645. Cum igitur nos [et] Capitulum frequenter et sufficienter monuerimus venerabilem patrem dominum Styrbernum Episcopum Strengianensem ut nobis pecuniam de denario beati petri in dyocesi Strengianensi pluribus annis collectam cum sufficienti et certo compoto traderet et assignaret in termino sibi deputato, quod tamen adhuc facere non curauit obediencie bonum, et apostolice sedis reuerenciam uilipendens, Vobis et vestrum cuilibet in solidum precipimus et mandamus, quatenus ambo vel alter vestrum ad ecclesiam Strengianensem personaliter accedatis monentes ipsum ex superhabundanti, ut dictam pecuniam de denario beati petri in strengianensi dyocesi ut premittitur collectam infra mensem a die date presentis computandum, cum certo et sufficienti compoto nobis vpsalie tradat et assignet, alioquin ipsum quem exnunc prout extunc in hiis scriptis excommunicamus, excommunicatum puplice nuncietis, presertim cum ea que sola admonicionis auctoritate minime corriguntur necesse est ut per seueritatem rigidam uindicentur, Datum apud Aarnø anno dominj M°CCC°. XIII°, sabbato ante dominicam Quasi modo, Jnterlinearem uos, nobis, corriguntur approbamus *).