SDHK-nr: 18395

Vniuersis presentes literas inspecturis Johannes, Dei gracia archiepiscopus Vpsalensis, salutem in Domino sempiternam. Notum facimus vniuersis nos literas infrascriptas, non rasas, non abolitas, non cancellatas, nec in aliqua sui parte viciatas, sed prorsus omni vicio et suspicione carentes, sub anno Domini m°cd°xiiij, xxviij die mensis Julii legisse, vidisse, audiuisse et examinasse sub vero, saluo et integro sigillo venerabilis in Christo predecessoris nostri domini Henrici, eadem gracia quondam archiepiscopi Vpsalensis, tenorem, qui sequitur, de verbo ad verbum continentes: Henricus, diuina miseracione archiepiscopus Vpsalensis, dilectis filiis ecclesiarum rectoribus per Angermanniam constitutis in Domino dileccionem et salutem........(Se Sv. Riks-Arch. Perg. bref II, N. 2248).Nos igitur Johannes, archiepiscopus supradictus, tenorem suprascriptum et omnia in eis contenta, rata et grata habentes, presentibus confirmamus. Datum in manerio nostro Arnø, nostro sub secreto, anno et die quibus, supra.