SDHK-nr: 7357

Omnibus presentes litteras inspecturis Ericus . Dei gracia . Sueorum Gothorumque rex ac . dominus Scanie . salutem in . Domino sempiternam. Noueritis nos viros . discretos nobis . dilectos . omnes et . singulos . ciuitatenses Vpsalenses cum omnibus bonis eorum mobilibus .. et jnmobilibus sub nostra pace . et proteccione suscepisse specialiter defendendos, sub . obtentu gracie nostre firmiter inhibentes ne quis ipsos . vel ipsorum . aliquem presumat in . aliquo . temere molestare seu quomodolibet iniuriose . pertractare . Quia . vero ciues predicti pro pastu . pecorum suorum . que in prato nostro Føresængh . pro tempore habuerant nobis et promo nostro . de Veteri . Vpsalia vice nostra . et nulli alii per . censum annuum dictum gresbullæ respondere . consueuerant ab antiquo, nos volentes ius nostrum . antiquum conseruare nobis saluum . et ipsos ciues . ad onera inconsueta . minime . obligari . prohibemus sub obtentu . gracie nostre . et . euitacione indignacionis . regie . quatenus(a) . ne quis eorum qui in prato . predicto . partes . aliquas . possident . seu alius quiuis . cuiuscunque . condicionis . potestatis . eminencie . aut status . ciues ipsos . ad solucionem . aliquam inconsuetam in hac parte . artare . seu . ipsorum pecora . in . contractis paschuorum consuetis inquietare . attemptet vel audeat . quouis modo, prout . vlcionem nostram regiam voluerit . euitare . Datum Vpsalie anno Domini M° .. ccc° . quinquagesimo . octauo jn die sancto Pentecostes . sub secreto nostro