SDHK-nr: 6483

Omnibus presens scriptum cernentibus Thorstanus Styrbiornason, aduocatus castri Stocholmensis, salutem in Domino sempiternam. Nouerint vniuersi per presentes me discreto viro Laurencio Ragualdzson, presencium ostensori, ex parte mei facultatem habendi officium per totam Sudhermanniam exceptis ambabus Töris plenaliter commisisse, ratum et gratum habere volens quicquid nomine meo fecerit vel omiserit, quod licitum esse noscatur in premissis. Si vero ipsum in aliquod dampnum in fideiubendo seu modo aliquo ordinando ex parte mei, quod absit, incurrere contingat, extunc ad faciendum et ostendendum ipsum illesum et indempnem de predictis obligo me pariter et astringo, rogans igitur et volens, vt predicto Laurencio ad quod vobis iniunxerit faciendum vos paratos et fauorabiles ostendatis nec sibi aliquid in contrarium facientes, sicuti fauorem meum duxeritis obseruandum. In cuius commissionis euidenciam sigillum meum presentibus est appensum. Scriptum Strengnes anno Domini m°ccc°l secundo sabbato infra octauam Martini.