SDHK-nr: 5652

Omnibus presens scriptum cernentibus Andreas Olauson de Løghambre salutem in Domino sempiternam. Pateat per presentes me quandam permutacionem et vendicionem prediorum cum discreto viro domino Laurencio, canonico Vpsalensi, fecisse in modum, qui sequitur, videlicet quod eidem quatuor solidos terre de prediis meis acquisitis in villa Volthambre, parochia Walentuna, approprio et assigno perpetuo possidendos cum omnibus adiacentibus prope vel remote nullo excepto. Loco quorum ab eodem duos solidos terre in villa Hiælmistom, parochia Husabyhernui, habui modo quo supra perpetuo possidendos. Pro residuis vero duobus solidis in Wlthambre recognosco me precium plenarium subleuasse, promittens bona fide quod, si quatuor solidi predicti ab ipso domino Laurencio euicti vel calumpniati fuerint, eidem quatuor solidos terre soluturum in villa equiualenti, de qua tanta soluitur pensio in pecunia et annona, vel pro quolibet solido terre sic euicto duas marchas puri ponderis Stocholmensis soluere infra vnius mensis spacium a tempore euictionis numerandum, ad hoc bona mea heredumque meorum obligando. In cuius rei testimonium sigillum generi mei Thome Jonson ad peticionem meam vna cum meo presentibus sunt appensa. Datum anno Domini m°ccc°xl° octauo die sabbati proxima ante festum beate Marie Magdalene.